نام شعر: گرگ پیر نام شاعر: منوچهر بایندری کیفیت: خوب حجم:994 KB   دانلود با لینک مستقیم

رفتی و بخالِت مون ِ دیوونه نکِردی؟ خُونِی دلم ِ یـِسّره ویرونه نکِردی؟ راسی تو ندیدی چق ِ پات پاکـُم و راسُم؟ طعنه نزدی؟ جیگرم ِ دونه نکِردی ؟ بندی که نه پندوبی، نه گِی خهرسه ویمی پوساله، گرندی ،مثِ دندونه نکِردی؟ ورمو که رسیدی خوتِ گِی صاو،نکِردی راسی توبخالِت مون ِ بی خونه نکِردی؟ بـِرشـُنده بیدُم نون ِ امیدِ خوم ِ سی تو پـِنجِش نزدی؟ هَمّش ِ بازچونه نکِردی؟ خواسُم بکنـُم بُوگل ِ راجونه، نهادی؟ داغ ِ دلم ِ عین ِ سیادونه نکِردی؟ بُونِی گـُلـُپی اَو اومدم، تامون ِ دیدی سی نومدن ِ تادم ِ در بونه نکِردی؟ ورمو،خوتِ کِرکردی و،بـِینِی چیش ِ باقی توچَهک و پریک مینلِتِ شُونه نکِردی؟ اِی مو بزنـُم کـُه نه بگی خوش کلو واوی تو مَحمَدو بدوختوِ دیوونه نکِردی؟ " محمد غلامی" موضوعات مرتبط: زندگینامه و اشعار محمد غلامی

ای گل فصل خَزون بَه زَگل فصل بهارون (گُلِ بیمِنَت بارون) یادگار گلل خُشکِسَهی یــار و دیارون (گُلِ بی مِنَت بارون)سر زدی مثل ستاره تو نگفتی نه بهاره ریشه کردی همه تاره بیشتَر صَدها هزارون (گُلِ بی مِنَت بارون)بی صدا خنده کنونی تک و تینا من صحرا چشمه ساری خونواوی برکت آینه دارون (گُلِ بی مِنَت بارون)وختی تینا تو کنی گل تی کسی دَ نیره بلبل من دشتسون خلوت سرش ایره سردارون (گُلِ بی مِنَت بارون)مِن دلت خرده طلا بی کسی قیمتت ندونس بخشسی هرچی که داشتی جمله بی نقد عیارون (گُلِ بی مِنَت بارون) اُوَ رِی دل خَرده بیدی که ایقه گل کرده بیدی منِْ سینه ت کِر کرده بیدی بیشتر گَنجل قارون (گُلِ بی مِنَت بارون)جوم پر کردی و شونم بی حریفل بی رفیقل هیچ یاد تو نبیدن بیله یِ باده گسارون (گُلِ بی مِنَت بارون)سال قحطو که نبی چی که دور قدت بپیچی، دور مدور تو نشهسن تموم عقرب و